اصنعها بنفسك: جهاز قياس سعة البطاريات (ليثيوم، حامضية، نيكل، إلخ.)

سلام عليكم

النهاردة معانا مقال جديد عن Battery Capacity Meter وده جهاز لقياس سعة البطارية نفذته وجربته. وبناءً على تجربتي حبيت اشاركها معاكوا.

في واحد مشهور قوي في مجال الإلكترونيات اسمه Dan وليه قناة على يوتيوب اسمها DiodeGoneWild ( أكيد عارفينه ).

المهم إن Dan كان دايماً بيظهر في فيديوهاته جهاز بيقيس سعة البطاريات Battery Capacity Meter بيستخدمه في انه يعمل Capacity Check بمعنى انه يفحص سعة البطارية الحقيقية ( بخلاف اللي مكتوب عليها ).

لينك المشروع بالكامل بطريقة التنفيذ: هنا

المشروع ببساطة فيه Atmega8 ده ميكروكونترولر ( بيتم برمجته ) ووظيفته انه يتحكم بالجهاز. الجهاز فيه مجموعة 7Segments بيظهر عليهم مختلف أنواع القراءات:

التعديلات التي قمت بها:

1- قمت بإلغاء المقاومة المتغيرة P3 بقيمة 10 كيلو أوم.

2- قمت بإستخدام مكبر عمليات بديل لـ IO2 MC33171 وهو LM358N ( به 2 مكبر عمليات لكن سوف نستخدم واحد فقط منهم ).

3- قمت بتوصيل مداخل ومخارج مكبر العمليات مثل MC33171 ( باتباع الداتاشيت لـ LM358 ).

إن شاء الله هأنزل فيديو اشاركوا فيه التجربة وتفاصيل الدائرة والمعايرة.

الجهاز جربته على مجموعة بطاريات ليثيوم فاككها من بطاريات اللاب توب بصراحة الجهاز حلو قوي وبيكتشف أي بطاريات فيها مشاكل أو ( مضروبة ).