سلام عليكم 😅
للأسف في الفترة الحالية الـ Raspberry Pi بقت غالية في السوق بشكل غير طبيعي وكمان توفرها في السوق هنا أصبح نادر شيوية.
علفكرة إنت مش مضطر إنك تشتري بوردة الـ Raspberry Pi جديدة. ممكن تشتريها مستعملة عادي!.
في الجروب ده Raspberry Pi Egypt تقدروا تبحثوا فيه وهاتلاقوا ناس كتيرة عارضة بوردات Raspberry Pi مستعملة وبأسعار كويسة. بنسبة كبيرة هم طلبة خلصوا مشروع تخرجهم ومابقوش محتاجينها.
نصيحة قبل ما تشتري بوردة Raspberry Pi مستعملة:
– أول حاجة لازم تجرب كل الـ GPIOs بإنك تعمل Toggle لكل Pin فيهم وتتأكد إن مافيش أي Pin فيهم Stuck ب State معينة. دي مهمة جداً ومافيش فيها تفاهم. لو في أي GPIO حالتها Stuck ف ده معناه ان الـ Output Driving Mosfets للـ Pin دي في واحد فيهم عامل شورت.
– إتأكد إن كل الـ USB Ports وكمان الـ HDMI Ports سليمة وخصوصاً لو عندك في البوردة أكتر من HDMI Port.
– إتأكد إن الـ Display FPC Connector اللي على البوردة سليمة وكذلك الـ CSI Camera FPC Socket.
– إتأكد إن درجة حرارة البروسيسور طبيعية وضمن الـ Range الطبيعي. لو الـ System On Chip (SOC) فيها شورت في GPIO هاتلاقي الـ SOC بتسخن بشكل غير طبيعي. تقدر تنفذ الأمر التالي عشان تقيس درجة الحرارة:
vcgencmd measure_temp
المفروض إن درجة الحرارة ماتتخطاش الـ 80 درجة مئوية تحت أي حال.
– لازم تتفق مع اللي هاتاخد منه البوردة إنك هاتختبرها لأكتر من يوم ولازم يوافق. شغل بوردة الـ Raspberry Pi على الأقل 3 أيام بشكل مستمر واختبرها واتأكد إنها تمام. وممكن تعمل Benchmarking بحيث تعمل Stress على البروسيسور والـ GPU وتتأكد إن مش هايحصلها Crash.
– بمجرد ما تشتري البوردة وتتأكد إنها تمام لازم تشتريلها Case بلاستيك مقفولة عشان تحميها.
اترك تعليقاً